ভাৱাৰ্থ - ১, नीतिश्लोकाः सुभाषितानि च (পঞ্চম পাঠ/ নৱম শ্ৰেণী ; সুভাষিত নং -৩)

Q. ভাৱাৰ্থ সম্প্ৰসাৰণ কৰাঁ (ভাৱ বহলাই লিখা)-

आलस्यं हि मनुष्यानां शरीरस्थो महान् रिपुः।। 3।।
(আলস্যং হি মনুষ্যানাং শৰীৰস্থো মহান্ ৰিপু্:)

Ans-
এলেহুৱা মানুহে জীৱনত উন্নতি কৰিব নোৱাৰে । এলাহ মানুহৰ শৰীৰৰ প্ৰধান শত্রু । ই এনেকুৱা এটা দোষ যিয়ে  মানুহক কৰিবলগীয়া কামৰ পৰা আঁতৰাই ৰাখে । জীৱনত উন্নতি কৰিৱলৈ হ'লে এলাহ ভাৱ পৰিত্যাগ কৰি কামৰ প্ৰতি আগ্ৰহী হোৱা উচিত । তেতিয়াহে সুখ লাভ কৰিব পাৰি । জীৱনত উন্নতিৰ জখলাত বগাবলৈ হ'লে টোপনি , তন্দ্ৰা , ভয় , খং , এলাহ আৰু দীৰ্ঘসূত্রতা অৰ্থাৎ লাহে লাহে কাম কৰা স্বভাৱ - এই ছয় দোষ এৰাই চলিব লাগে । এই দোষসমূহ ত্যাগ কৰিব পাৰিলেহে মানুহে সুখে - শান্তিৰে থাকিব পাৰে । আৰু যদি এই দোষসমূহ এৰাই নচলে তেতিয়া জীৱনত কেতিয়াও উন্নতি নহয় । এলাহ কৰি আজি কৰিবলগীয়া কাম নকৰি যদি পিছুৱাই থৈ দিয়া হয় তেতিয়া সময়ৰ কাম সময়ত হৈ নুঠিব । ফলত অকৃতকাৰ্য হ'বলগীয়া হয় । উন্নতিৰ দিশত আগবাঢ়িব নোৱাৰে । সেয়েহে কোৱা হয় এলাহেই মানুহৰ শৰীৰৰ প্ৰধান শত্রু ।

__________________________________________




Comments

Post a Comment

Popular posts from this blog

ভাৱাৰ্থ - ২, नीतिश्लोकाः सुभाषितानि च (পঞ্চম পাঠ/ নৱম শ্ৰেণী ; সুভাষিত নং -৯)

Q. ভাৱাৰ্থ সম্প্ৰসাৰণ কৰাঁ ( ভাৱ বহলাই লিখা )- सत्यमेव जयते नानृतम् ।। 9।। ( সত্যমেৱ জয়তে নানৃতম্ ) Ans - সত্যৰ সদায় জয় । সত্যৰ স্থায়িত্ব আছে । সত্য প্ৰতিষ্ঠিত সকলো বস্তুৱে চিৰযুগমীয়া । সমাজত মূৰ দাঙি চলিবলৈ হ'লে সদায় সত্য পথত চলিব লাগে । এই পৃথিৱীত সকলো ক্ষেত্ৰতে সত্যই শ্রেষ্ঠত্ব লাভ কৰে । জুইক ঢাকি ৰাখিব নোৱাৰাৰ দৰে সত্য কথাকো মানুহে কেতিয়াও লুকাই ৰাখিব নোৱাৰে । এদিন হ'লেও প্ৰকাশ পাবই । আনহাতে মিছা প্ৰৱঞ্চনাৰে কৰা কাম ক্ষন্তেকীয়া । মিছাক আশ্ৰয় লৈ মানুহে কেতিয়াও সুখী হ'ব নোৱাৰে । খোজে প্ৰতি ভয় , সন্দেহৰ ভাৱত থাকিবলগীয়া হয় । মানুহ এজনে মিছাকৈ কোনো কাম কৰিব পাৰে কিন্তু যিদিনা তেওঁৰ সত্য কথাটো ওলাই পৰিব সিদিনা নিজেই লজ্জিত হ'ব আৰু কোনোৱে তেওঁক বিশ্বাস নকৰিব । আনহাতে সত্যবান লোক সদায় বিশ্বাসৰ পাত্র । সেয়েহে কোৱা হয় সত্যৰ সদায় জয় আৰু মিছাৰ নহয় ।  __________________________________________ পাঠটোৰ অসমীয়া অনুবাদ
Read more

ব্যাখ্যা - ১, सिंहशशककथा (ষষ্ঠ পাঠ/ নৱম শ্ৰেণী)

Q. ব্যাখ্যা কৰা -  बुद्धिर्यस्य  बलं  तस्य  निर्बुद्धेस्तु वृथा बलम् । कौशलेन हि यत् साध्यं न तत्साध्यं पराक्रमैः।।  Ans - শ্লোকাৰ্থ -   যাৰ বুদ্ধি আছে তাৰ হে বল থাকে আৰু বুদ্ধিহীনৰ বল বা শক্তি বৃথা । কৌশল বা বুদ্ধিৰ দ্বাৰা যি কাম কৰিব পাৰি, সেই কাম পৰাক্ৰম বা বলৰ দ্বাৰা কৰিব নোৱাৰি । উদ্ধৃতি -  উক্ত শ্লোকফা‍ঁকি আমাৰ পাঠ্যপুথি "সংস্কৃতপাঠসংগ্ৰহঃ" ৰ অন্তৰ্গত পঞ্চতন্ত্ৰৰ "মিত্রভেদ"ত উপলব্ধ "সিংহশশককথা" নামৰ পাঠটিৰ পৰা তুলি দিয়া হৈছে । প্ৰসংগ -  শ্লোকফাঁকিৰ জৰিয়তে বুদ্ধি আৰু বলৰ বিষয়ে উল্লেখ কৰা হৈছে । ব্যাখ্যা -   যাৰ বুদ্ধি আছে তাৰহে বল থাকে । বুদ্ধিহীন জনৰ বল বৃথা । বুদ্ধি আৰু কৌশলেৰে যিটো সাধন কৰিব পাৰি সেয়া বল বা পৰাক্ৰমেৰে নোৱাৰি । কোনো এটা কাৰ্য সম্পন্ন কৰিবলৈ তাত বুদ্ধি , কৌশল খটুৱাব লাগিব ।  তাকে নকৰি যদি নিজৰ শক্তি প্ৰয়োগ কৰি দেহটো ভাগৰুৱা কৰি লয় তেতিয়া কামটোত কৃতকাৰ্য্য হব নোৱাৰিব । তেনে ক্ষেত্রত তেনেকুৱা বলক বৃথা বুলি কোৱা হয়। বলেৰে নোৱাৰা কাম বুদ্ধি আৰু কৌশলেৰে সাধন কৰিব লাগে । বুদ্ধিমান লোক সদায় শক্তিশালী হয়। কাৰণ তেওঁলোক...
Read more